Móavegur í Reykjavík
Félagsbústaðir eiga og leigja út 20% íbúða í húsunum að Móavegi 2-12 á móti Bjargi íbúðafélagi.
Laus 3ja herbergja íbúð í Móavegi
3ja herbergja íbúð er laus til leigu í Móavegi 4, laus 15. desember 2024
Íbúðin er 75,4 m² og er á 3. hæð (efstu hæð) í lyftuhúsi. Svalir eru í suður, að Borgarvegi.
Stutt er í almenningssamgöngur og verslunarkjarnann Spöngina þar sem meðal annars er að finna lágvöruverðsverslun, heilsugæslu, sjúkraþjálfun, matvöruverslun, bakarí, hárgreiðslustofu, blómabúð, veitingastaði, fiskbúð, dýrabúð og aðrar sérverslanir.
Leiguverð kr. 220.474 á mánuði, tengt mánaðarlega vísitölu neysluverðs í apríl 2024. Leigutakar eiga almennt rétt á húsnæðisbótum og í einhverjum tilfellum sérstökum húsnæðisstuðningi til að koma til móts við leigugjaldið.
Hér má sjá dæmigerða 3ja herbergja íbúð í Móavegi í 360°.
Hér má sjá myndband af dæmigerðri 3ja herbergja íbúð í Móavegi.
Hlutfall íbúðar í sameiginlegum kostnaði (hússjóður) er kr. 8.107 á mánuði. Aðgangur er að sameiginlegu þvottahúsi með þvottavélum og þurrkurum. Bílakjallari er í húsinu.
Til að koma til greina fyrir úthlutun þarf að haka við staðsetningu og íbúð á "mínum síðum" á heimasíðu Bjargs fyrir 29. apríl 2024.
Úthlutun hlýtur sá umsækjandi sem hefur lægsta númer á biðlista hjá Bjargi og uppfyllir öll skilyrði um úthlutun; hefur greitt til stéttarfélags innan ASÍ eða BSRB í a.mk. 16 mánuð, litið til sl. 24 mánuði við úthlutun og er innan tekjumarka og eignamarka, þá að skattskyldar tekjur séu ekki hærri en 8.327.000/11.659.000 (einstaklingur/hjón) auk kr. 2.082.000 fyrir hvert barn eða ungmenni að 20 ára aldri sem býr á heimilinu, skv. síðasta skattaframtali. Heildareign heimilis má ekki vera hærri en 8.999.000 kr.
Tveggja herbergja íbúðir
- Fjöldi svefnherbergja: 1
- Stærð íbúða: 50-65 m²
- Fjöldi íbúða: 46
Tveggja herbergja íbúðirnar eru 50-65 m² og skiptast í anddyri, eitt svefnherbergi, baðherbergi og alrými með eldhúsi. Geymslurými er í skápum innan íbúðar og fataskápur er í svefnherbergi.
Hér má sjá dæmigerða 2ja herbergja íbúð í Móavegi í 360°.
Hér má sjá myndband úr dæmigerði 2ja herbergja íbúð í Móavegi
Þriggja herbergja íbúð
- Fjöldi svefnherbergja: 2
- Stærð íbúða: 65 - 78 m²
- Fjöldi íbúða: 51
Þriggja herbergja íbúðirnar eru 65-78 m². Í þeim er anddyri, tvö svefnherbergi, baðherbergi og alrými með eldhúsi. Geymslurými er í skápum innan íbúðar og fataskápur er í hjónaherbergi.
Hér má sjá dæmigerða 3ja herbergja íbúð í Móavegi í 360°.
Hér má sjá myndband af dæmigerðri 3ja herbergja íbúð í Móavegi.
Fjögurra herbergja íbúðir
- Fjöldi svefnherbergja: 3
- Stærð íbúða: 85-102 m²
- Fjöldi íbúða: 21
Fjögurra herbergja íbúðirnar eru u.þ.b. 85 m². Í þeim er anddyri, þrjú svefnherbergi, baðherbergi og alrými með eldhúsi. Geymslurými er í skápum innan íbúðar og fataskápur er í hjónaherbergi.
Hér má sjá myndband úr 86,8 fm. 4ra herbergja íbúð í Móavegi (athugið að íbúðir eru ólíkar að skipulagi).
Fimm herbergja íbúðir
- Fjöldi svefnherbergja: 4
- Stærð íbúða: 97 m²
- Fjöldi íbúða: 6
Fimm herbergja íbúðirnar eru 97 m². Í þeim er anddyri, fjögur svefnherbergi, baðherbergi og alrými með eldhúsi. Geymslurými er í skápum innan íbúðar og fataskápur er í hjónaherbergi.
Fyrir leigutaka í Móavegi
Umhverfið
Stutt er í almenningssamgöngur og verslunarkjarnann Spöngina þar sem meðal annars er að finna lágvöruverðsverslun, heilsugæslu, sjúkraþjálfun, matvöruverslun, bakarí, hárgreiðslustofu, blómabúð, veitingastaði, fiskbúð, dýrabúð og aðrar sérverslanir.
Það sem einkennir hverfið er mikil nánd við náttúruna. Þar ber helst að nefna svæði eins og Gufunesið, Grafarvoginn og ána Korpu. Hverfið markast einnig af langri og fallegri sjávarsíðu sem umlykur hverfið að stórum hluta. Íbúarnir nýta sér óspart þessar náttúruperlur til útivistar og íþróttaiðkunar.