16. nóvember 2022

Skóflustunga tekin að 24 íbúða húsi við Asparskóga 3

20221115_153947.jpg

Fyrsta skóflustunga við Asparskóga 3 á Akranesi var tekin í gær, 15. nóvember þar sem byggðar verða 24 íbúðir í þremur sjálfstæðum húsum á tveimur hæðum. Húsin mynda eins konar hring, með garði í miðju, opinn til suðvesturs. Íbúðirnar verða tveggja til fimm herbergja, allar með sérinngangi frá svalagangi. Húsið verður byggt með svokallaðri box aðferð, með þeim hætti að einingar eru smíðaðar í verksmiðju og nánast fullunnar þar að innan. Íbúðirnar raðast svo saman á byggingastað og eru að lokum klædd að utan á staðnum.

Fyrstu íbúðir verða afhentar á fjórða ársfjórðungi 2023 og þær síðustu á öðrum ársfjórðungi 2024. Opnað verður fyrir umsóknir í byrjun árs 2023.

Verktaki er Eðalbyggingar og SG hús á Selfossi og arkitekt er Svava Jóns arkitektur og ráðgjöf. 

Bjarg hefur þegar byggt og er með í útleigu 33 íbúðir á Akranesi. 

Tölvugerð mynd af sams konar húsi og byggt verður.