Borgarráð hefur samþykkt að veita Bjargi íbúðafélagi vilyrði fyrir lóðum undir fjölbýlishús á tveimur stöðum í borginni. Um er að ræða lóð á horni Háaleitisbrautar og Safamýrar, gegnt verslunarmiðstöðinni Miðbæ og lóð við Seljakirkju í Breiðholti.

Vinna við deiliskipulag er hafin á lóðinni við Safamýrina og vinna við hverfisskipulag Breiðholt er langt komin.

Á báðum lóðum áformar Bjarg að reisa fjölbýlishús með 60 íbúðum.