Bjarg íbúðafélag er sjálfseignarstofnun rekin án hagnaðarmarkmiða

Félaginu er ætlað að tryggja tekjulágum einstaklingum og fjölskyldum á vinnumarkaði, sem eru fullgildir félagsmenn aðildarfélaga ASÍ eða BSRB, aðgengi að öruggu íbúðarhúsnæði í langtímaleigu. Um er að ræða svokölluð leiguheimili að norænni fyrirmynd. Fyrstu íbúðir voru afhentar leigutökum í júní 2019.

Standa íbúðir Bjargs mér til boða?

Íbúðir Bjargs íbúðafélags eru fyrir fjölskyldur og einstaklinga á vinnumarkaði sem eru undir ákveðnum tekju- og eignamörkum og sem hafa verið virkir á vinnumarkaði og fullgildir félagsmenn aðildarfélaga ASÍ eða BSRB í a.m.k. 16 mánuð, sl. 24 mánuði miðað við úthlutun. Athugið að reiknivélin er eingöngu til viðmiðunar og taka þarf niðurstöðum hennar með fyrirvara.

Hjúskaparstaða

Hvert er þitt stéttarfélag?

Hverjar eru tekjur heimilisins á mánuði fyrir skatt?

Setja skal allar tekjur leigutaka (einstaklings eða samtals hjóna/sambýlisaðila ef gift/í sambúð) á mánuði fyrir skatt, þar með taldar fjármagnstekjur.

Hvað eru mörg börn á heimilinu yngri en 20 ára?

Skrá skal börn leigutaka 19 ára og yngri sem búa munu á heimilinu.

Hver er samanlögð heildareign íbúa íbúðar, að frádregnum skuldum?

Skrá þarf allar eignir (einstaklings eða samtals hjóna/sambýlisaðila ef gift/í sambúð) að frádregnum öllum skuldum. Fasteignir, ökutæki o.fl.

Kort af Íslandi

Uppbygging íbúða Bjargs íbúðafélags

Félagið hefur hafist handa við uppbyggingu íbúða víða um land.

Meira um íbúðirnar

Leiga og leiguskilyrði

Bjarg starfar samkvæmt lögum um almennar íbúðir. Í lögunum eru tilgreind tekju- og eignamörk ásamt viðmiði um greiðslubyrði leigu. Þá þurfa umsækjendur að vera félagsmenn stéttarfélags innan ASÍ eða BSRB.

25%
Greiðslubyrði leigu skal að jafnaði ekki fara umfram fjórðung af heildartekjum leigutaka að teknu tilliti til húsnæðisbóta
8.999.000 kr.
er hámarks heildareign heimilis
Árstekjur leigjenda almennra íbúða skulu ekki nema hærri fjárhæð en
8.327.000 kr.
fyrir hvern einstakling
11.659.000 kr.
fyrir hjón og sambúðarfólk
2.082.000 kr.
fyrir hvert barn eða ungmenni að 20 ára aldri sem býr á heimilinu

Algengar spurningar

Hvaða skilyrði þarf ég að uppfylla til að geta fengið úthlutun?

Þú þarft að vera orðinn 18 ára, skráður og virkur á biðlista hjá Bjargi og með skráða umsókn. Þú þarft að hafa verið virkur á vinnumarkaði og félagsmaður aðildarfélaga innan ASÍ eða BSRB í a.m.k. 16 mánuð, sl. 24 mánuði miðað við úthlutun. Þú þarft að vera undir ákveðnum tekju- og eignamörkum við upphaf leigu og greiðslubyrði leigu skal að jafnaði ekki fara umfram 25%-30% af heildartekjum að teknu tilliti til húsnæðisbóta, barnabóta og meðlags.

Hvað þarf ég að gera til að skrá mig á biðlista?

Þú skráir þig á biðlista í gegnum “mínar síður”, þú staðfestir að þú uppfyllir skilyrði fyrir úthlutun og greiðir félagsgjald. Þú berð sjálfur ábyrgð á því að vita að þú uppfyllir öll skilyrði fyrir úthlutun og það þarf því að skoða vel. Bjarg skoðar ekki fyrr en við úthlutun hvort viðkomandi upplýsingar séu réttar. Vertu því viss um stéttarfélagsaðildina og að þú standist tekju- og eignamörkin ásamt því að lesa úthlutunarreglurnar vel áður en þú greiðir félagsgjaldið og skráir þig á biðlistann. Skráningu á biðlista þarf að endurnýja á 12 mánaða fresti og greiða árlegt félagsgjald. Félagsgjald fæst ekki endurgreitt.

Ég er ekki viss í hvaða stéttarfélagi ég er eða hvort ég hafi verið þar nógu lengi til að geta fengið úthlutun, hvernig athuga ég þetta?

Þú átt að sjá á launaseðli í hvaða stéttarfélagi þú ert. Bæði vinnuveitandinn þinn og stéttarfélagið getur sagt til um hversu lengi þú hefur verið félagsmaður.

28. nóvember 2023

Húsnæði fyrir Grindvíkinga

Vegna aðstæðna í Grindavík auglýsir Bjarg íbúðafélag eftir nýjum íbúðum á Suðurnesjum, höfuðborgarsvæðinu eða nágrannasveitarfélögum.